كلبي مش راضي ياكل كويس، إيه اللي حصل؟

زغلول كلبي عنده سنتين كان بيخلص طبقه و يجي ياكل معانا عالسفرة و مبيسبش حد بياكل في حاله، دلوقتي يادوبك بياكل لقمتين من الطبق و يسيبه و بياكل بالمحايلة وعمال يخس، يا ترى إيه اللي حصله؟ ويتحل إزاي؟

1- مشاكل خفية في الأسنان

مشاكل الأسنان عادة بتكون مؤلمة و بتعمل صعوبة في الأكل زي قرح الفم، تسوس الأسنان، الأجسام الغريبة…عشان كدة يفضل توديه لدكتور متخصص قبل ما تسوء الحالة و تسبب مصاعفات أكتر

2-إختيارات أكل مش سليمة

ممكن يكون أكل الكلب الناشف منتهي الصلاحية أو إتساب لحد ما نشف أو غير طعمه من غير ما تاخد بالك، وأكيد كلبك اللي اتعود على أفضل الأصناف مش هيحب ياكله

3- عاصفة المكافآت

كلنا بنحب زغلول خصوصًا ماما و هو بيعرف إزاي يبتز مشاعرنا عشان ياخد مكافآت أكتر أو ياكل من الاكل اللي بناكله وعمره ما هيقول لأ لأي حاجة طعمها حلو، بس مع الوقت شهيته هتبوظ و هتقل الكمية اللي بياكلها من الوجبات الثابتة…ياريت نوقف أي مكافآت غير مثمرة

4- إضافات لتحفيز الشهية

ممكن يكون زغلول زهق من الدراي بتاعه بكل بساطة و محتاج تغيير…ساعتها ممكن ترجع للدكتور و تشوف لو ممكن تزودله أكل معلب عشان يحفز شهيته وسحل مشكلة الأكل دي

5- الحركة حلوة

الحركة والتمرين اليومي بيساعد كتير في تحسين شهبة الكلب خصوصًا لو بقاله فترة مش بينزل من البيت، أهم حاجة يكون في مدة ما تقلش عن 45 دقيقة بين التمرين والوجبات عشان مايحصلوش مشاكل في المعدة…